Түрлі түсті құрт жейміз

Шымкенттік студенттер ұлттық тағамды танымал етудің тәсілін тауыпты. Қаладағы аспаздар дайындайтын колледждің 1-курс студенті кәдімгі құртты түрлі түсті етіп жасауды ұсынып отыр.
Ажар Аштан үйдегі іні-сіңлілерінің құрт­қа тәбеті бола бермейтінін байқайды. С дәруменіне бай бұл өнімнің өске­лең ұр­пақ­тың физикалық тұрғыдан дұрыс же­ті­луіне септігі мол екені белгілі. Сол үшін «Олар­ға құрт­ты қалай жегізсем болады?» деп ойланған қаршадай қызға құрттың құ­ра­мына дәмдеуіштер қосу туралы идея ке­леді. Және оларды пайдалы өнімдерден алуды ойластырады.
Нәтижесінде өнім жасыл, са­ры және қы­зыл түсті иеленеді. Ара­сында алқызылы да бар. Ұлттық өнімге түрлі реңк бе­­ру үшін тек табиғи өнімдер қолданы­лады, оның ішінде қызылшаның жә­не сәбіздің шы­рыны, жаңғақтың дән­дері бар. Бұл тұста колледж инновациялық көр­меге әзір­леніп жатты және оларға ұш­қыр жоба қа­жет болды. Нәтижесінде қа­зылар алқа­сының назарына тың әзір­ле­німдер ұсы­ныл­ды. Шәкіртінің жаңалығын ұс­таздары же­тілдіріп, қарапайым құртқа түр­лі дәм­де­уіштер қосу арқылы оның ем­дік қасиетін арт­тыруды қолға алды. Идея­ның авторы құрт­ты әртүрлі пішінде шы­ға­руды да қолға ал­мақшы. Осылайша, аспаз қа­зақтың құр­тын құлпыртып, денсаулыққа пай­далы та­ғам ғана емес, сонымен қоса құрт­ты та­ны­мал тауарға айналдырмақ. Бұл бас­таманы заң жүзінде тіркеп, оған патент алу­ды да ой­ластырып отыр. Себебі ұлттық су­сы­нымыз қымызды Германия әлдеқашан ием­­деніп алған. «Патент құрттан да айы­ры­лып қалмаудың жолы», – дейді автор. Өнер­­тапқыш түрлі түсті құрттардың ұлттық бренд­ке айналып, ЕХРО-2017 ха­лық­аралық көрмесінде еліміздің мақтанышы бо­латынына да сенімді.