Шымкентте жас депутаттар 21 жасқа толмағандарға несие беруге тыйым салуды ұсынды деп хабарлайды KAZ.NUR.KZ Otyrar.kz-ке сілтеме жасап.
Парламент мәжілісінің депутаты Нұржан Әлтаев жастармен кездесті. Өзінің жас әріптестерімен кездесуден алған әсерімен депутат әлеуметтік желіде бөліскен.
Әлтаевтың айтуынша, жас депутаттар 21 жасқа дейінгілерге несие, қарыз беруге тыйым салдуы ұсынды. Депутаттардың дерегінше, ауылдан қалаға оқуға келген жастар қаржылық сауаты болмастан, микроқаржылық ұйымдардан үлкен пайызбен қарыз алады. Оны қайтару студенттер үшін қиын болмақ
Халық қалаулысының айтуынша, тұрақты табысы мен жұмысы жоқ студенттердің ұрлық, тонау, тартып алу сияқты қылмыс жасауы осыдан шығады.
Еске сала кетсек, бұған дейін 2020 жылдан бастап кімге кредит берілмейтіні белгілі болған.
2020 жылдың қаңтарынан "Қазақстан Республикасының кейбір заңнамалық актілеріне қаржы нарығы, микроқаржылық қызмет пен салық салуды реттеу және дамыту мәселелері бойынша өзгерістер мен толықтырулар енгізу" туралы заң күшіне енді.
Осыған байланысты кірісі күнкөріс деңгейінен төмен қазақстандықтарға кепілсіз несие берілмейді.
2020 жылы ең төменгі күнкөріс деңгейі 31 183 теңге мөлшерінде бекітілген.