Илон Маск Tesla-ның акцияларын шамамен 7 миллиард долларға сатты
Tesla-ның негізін қалаушы Илон Маск компанияның 7,9 миллион акциясын 6,88 миллиард долларға сатты. Бұған АҚШ-тың бағалы қағаздар жөніндегі комиссиясының (SEC) құжаттарын дәлел болады, деп хабарлайды Zakon.kz.
Транзакциялар 5 тамыз бен 9 тамыз аралығында Tesla акционерлерінің 4 тамызда Остин қаласында (Техас штаты) өткен 2022 жылғы жылдық жиналысынан кейін жасалды.
Айтпақшы, сәуір айында Tesla мен SpaceX-тің негізін қалаушы әлеуметтік желілерде «бұдан әрі Tesla-ны сату жоспары жоқ екенін» мәлімдеген еді.
Шілде айында кәсіпкер әлеуметтік желі жалған аккаунттар саны туралы шынайы ақпаратты жария етпегендіктен, Twitter-ді сатып алудан бас тартты.
Twitter оны келісімнен бас тартқаны үшін сотқа берді. Тамыз айында Маск әлеуметтік желідегі боттардың саны туралы толық ақпарат алатын болса, мәміле жасауға дайын екенін жеткізді.
