«Жұлдыздар отбасы» 100-ге жетті

Осыдан сегіз жыл бұрын, дәлірек айтсақ, 2003 жыл­дың күз айында ақпарат айдынына өнер жұлдыз­дарының жеке өмірі жайлы олармен сұхбаттаса отырып жазатын «Жұлдыздар от­басы» газеті дүниеге келген еді. Алғашында 16 бет бо­лып шыққан газет 2007 жыл­дың мамыр айынан бас­тап айына екі рет шығатын 52 бет­тік түрлі-түсті жур­налға айналды.
Ә дегеннен-ақ ұжымы кеңейіп, таралымы 15 000-нан 70 000-ға дейін өскен «Жұлдыздар от­ба­сының» жуырда 100-інші саны шықты. Соған орай Жазушылар одағында салтанатты кеш өтті.
Басылымның ең бірінші санына кейіпкер болған белгілі әнші Ақбота Керімбековадан бастап, талай-талай журнал бетіне өз жан сы­рын жайып салған өнер жұлдыздары кон­церттің көркін қыздырса, Мұхтар Ша­ха­нов, Асанәлі Әшімов, Тұрсынбек Кәкішев сын­ды ұлтымыздың бәйтеректері өздерінің  жү­рек­жар­ды лебіздерін ортаға салды.
Қыдырәлі БОЛМАНОВ:
– Біз осы сахнада сан рет «Жұлдыздар от­басының» да, жаңадан ашылса да ады­мы кең «Аңыз адам» журналының да мерекелік кештеріне қатыстық, ал­да­ғы күндері де қатыса береміз. Өйткені ті­лектеспіз, ниеттеспіз. Осы қазір мен бір фабрикада өткен үлкен кездесуден ке­ле жатырмын, сонда сараптама жасап отырсақ, бүгінгі таңдағы қазақтың өзі шығаратын ұлттық дүниелері бүгінде біршама алға дамып жатқанға ұқсайды, соның бір көрсеткіші өзімізден шығатын кәмпиттер болатын болса, екінші көр­сеткіші – таза қазақ тілінде шы­ғатын, бүгінде тиражы бірнеше мың­ның үстіне шыққан осы «Жұлдыздар отбасы» журналы. Кеше ғана біз бұл жур­налды байқаған жоқпыз, осын­ша­лықты оқырманның жүрегін жаулап ала­ды-ау деп ойлаған жоқпыз. Сон­дық­тан осы ретте журнал қазақ тілінде шы­ға­тын басылымының ауқымы үлкейіп, оның да өсе алатынын дәлелдеп берді. Ен­деше, журналдың 100-інші нөмірі құтты бол­сын, өсе берсін, таралымы кеңи бер­сін. Ал, жалпы, біріміз газет шыға­ра­йық, біріміз кәмпит шығарайық, біріміз қуыр­шақ, біріміз қап шығарайық, бірақ өзі­міз шығарайық. Сонда ғана біз өз тіз­гі­ні­мізді, ұрпақ тәрбиесінің тізгінін өз қо­лы­мызға ала аламыз.
Асанәлі ӘШІМОВ, ҚР Халық әртісі:
– «Бір топ итті арыстан басқарса, бар­лығы арыстан болады, сол сияқты бір топ арыстанды ит басқарса, барлық арыстан ит болады» деген сөз бар. Бұл сөздің астарында тек ел басқаруға ғана қатысты мағына жатқан жоқ, отба­сын­дағы тәрбиеге де қатысы бар. Бә­ріміз де көп нәрсеге кінәліміз. Елімізге бел­гілі ақын-жазушы, өнер адам­да­ры­ның үйіндегі немере, шөберелерінің қа­з­ақ­ша білмеуі – айыптың айыбы. Бәрі де – тәрбиенің ісі, бүгін сондай бір тәр­бие­лік мәні жоғары кеш болып отыр. Ал­дымен «Жұлдыздар отбасы» шықты, ке­йін «Аңыз адам» қосылды. Екеуін де мен тұрақты түрде алып оқып тұрамын. Оқыр­манымын. Ауылға жіберіп тұ­ра­мын. Безендірілуі, ішіндегі маңызы жақ­сы, редакция алқасы да өте білімді адам­дар деп есептеймін. Жарылқап де­ген – жарғақ құлағы жастыққа тимей жұ­мыс істейтін азамат, дарынды жур­на­лист. Таң атқанша отырып, ерінбей-жа­лықпай, менен көп нәрсе жазып алып кет­кен кезі болды. Сондықтан бас­шы­сына қарап, басылымның болашағына се­немін!

Түйін
Кеш соңында тұрымтайдай болса да, Алашқа аты жайылып үлгерген жас ақын Жамбыл Дүйсеновтің ортаға шығуы жиналған жұртты дүр сілкіндірді. Оғланның отты жыры, мірдің оғындай сөзіне риза болған «Жұлдыздар от­ба­сы», «Аңыз адам» журналдарының бас редакторы Жарылқап Қалыбай ортаға шы­ғып, жас дарынға «ХХІ ғасырдың Жам­былы» деп, арнайы сыйлық – ком­пьютер сыйға тартты. Сондай-ақ осы кеш­те «Аңыз адам» журналының кітап етіп жинақталған жаңа нұсқасының тұ­сауы кесілді.