Халық арасында соңғы оқиғаларға байланысты Жігер Ауыпбаев туралы түрлі ақпарат тарап жатыр. Көпшілік ол теріс ағымға кіріп кетті деп болжауда. Десе де, әншінің өзі мұны жоққа шығарып отыр.
Бұл туралы «Неге солай» бағдарламасында айтылды.
– Жуырда үлкен сапарға барып келген екенсіз. Сол жақтан келгелі белгілі бір діни ағымға кіріп, сәләф болып кетті деп айтып жатыр. Бұл қауесет шын ба?
– Адамның тірісінде сөзден аманы жоқ, адамның жаманы жоқ дейді. Адам тірі болған соң артынан түрлі сөз ереді. Сіз айтып отырған еспе сөздердің барлығы жалған. Аллаға шүкір, біздің мүфтият не нәрсені бұйырады, елбасымыз не айтады сол орындалады. «Dostyk Travel» деген компания біздің мүфтияттан рұқсатын алған. Барлығы заңды түрде жүзеге асып отыр. Жалпы бұл – үлкен тақырып. Кішкене мойның қылтия қалса, артыңнан сөз еретін болды ғой.