«Жастар бірлігі» апталығы басталды

Бүгін Астана қаласында «Жастар бірлігі апталығы» атты қалалық фестиваль басталады. Осымен 12-рет өткізіліп отырған фестиваль аясында жоғары және арнайы оқу орындарында білім алатын студент жастардың арасында барлығы 17 іс-шара өткізіледі.
Өткізілетін шаралардың арасында En Counter эсктрим-ойыны, ұлтжандылыққа тәрбиелеуді мақсат ететін «Патриот» ак­ция­сы, қарттар үйі мен коррекциялық мек­­тепте өтетін «Қамқорлық» акциясы, қазақ және орыс тілдерінде өтетін КВН ойын­дары, «Екі жұлдыз» шоу бағ­дар­ламасы, «Жастар – ел болашағы» поэ­зия­лық кеші жә­не қан тапсыру шарасы бар. Қан тапсыру ак­циясы барысында қалалық қан ор­та­лы­ғымен жасалған келісімге сәйкес, арнайы кө­лік үш күн қатарынан апталыққа қа­ты­­су­шы барлық ЖОО-лар мен арнайы оқу мекемелерін аралап шығады. Бұған дейінгі акцияларда мұқтаж жандарға көмектесу­ге 1 мыңға жуық жас ниет білдірген бо­ла­тын.
Биыл жастар апталығына жоғары және арнайы білім беретін барлығы 20 оқу мекемесі қатысады. Жалынды жастардың шығармашылық, спорттық және ин­тел­лектуалдық талаптарын айқындап, қолдау білдіруді көздейтін фестиваль барысында ұйымдастырылатын іс-шаралардың бағы­ты әртүрлі. Сондықтан әрбір жас өзінің қа­бі­летін көрсетуіне мүмкіндігі бар. Бір же­тіге созылатын додаға барлығы 8 мыңнан астам жас қатысады деп күтілуде.
Бұл шара 1997 жылдан бері өткізіліп келе жатыр. Дәстүрге айналған бұл күн кейін (10 қараша) Астана қаласы жас­та­ры­ның күні болып бекітілді. Фестивальдің қо­рытындысы 17 қараша – Студенттердің бү­кіл дүниежүзілік күні шығарылады.