Үлгілі мәдениет ошағы

Қызылорда облысының Шиелі кентіндегі «Арман» мәде­ниет үйі 2007 жылы «Қазатомө­нер­кәсіп» ҰАК» АҚ қаржы­лан­дыруымен  күрделі жөн­деу жұмыстарын  жүргіз­ген соң, есігін халыққа айқара ашқан болатын. Міндеті тек «Қазатомөнеркәсіп» ҰАК» АҚ кәсіпорындары қызметкер­леріне арналған мәдени шара­ларды ұйымдастыру ғана емес, жалы  халыққа қызмет ету болып табылатын сол Мәдениет үйі бүгінде Шиелінің көркеюіне үлкен үлес қосып жатқан жайы бар.
Мұнда жас дарындардың бойындағы қарым-қабілетін шыңдайтын  бірнеше үйірмелер жұмыс істеуде. Атап айтқанда, «Сурет, қолөнер» үйірмесінің жетекшісі Зухра Баймырзаева балаларды қолөнер бұйымдарын жасауға,  суреттің қыр-сырын меңгеруге үйретіп, жыл бойғы мерекелерде  сурет көрмелерін ұйымдастырып жүр.
Сондай-ақ би жағы да қолға алынып, жас маман Ақерке Қантаева  балаларды түрлі ұлт өкілдерінің биіне баулуға кіріскен. Әрине, музыка  мәдениеттің негізгі бөлшегі болғандықтан, «Ән салу, ән аспаптарында ойнауға үйрету» үйірмесі жолға қойылып отыр. Жетекшісі Марат Шардарбеков тәрбиелеген шәкірттер түрлі шараларда жанды дауыспен ән салуды үрдіске айналдырған.
Сонымен қатар аталған мәдениет үйін­де «Театрландырылған қойылым»,  сон­дай-ақ  Көңілді тапқырлар клубы мен жас ақын­дар үйірмелері де жұмыс істейді. Жаз мезгілінде  балалардың тынығуына арнал­ған «Сыр ұланы» атты лагерін жасақ­тау да осы мәдениет үйі тарапынан ұмыт қалды­рылмаған. 
Жыл санап жұмыс қарқыны үдеп келе жатқан «Арманның» шағын да болса талай тарландарды түлеп ұшырған Шиелі кенті­нің мәдени өмірінде алар орны зор.  Жос­пар бо­йынша Қазақстан Республика­сының мерекелер туралы Заңына сәйкес, Наурыз, 1 Мамыр (Қазақстан халқының бірлігі күні), Ұлы Жеңіс күні, Халықаралық ба­ла­ларды қорғау күні, меди­цина қыз­меткерлерінің  мерекелері атап өтілуде. Мере­келерге жаса­лынған сцена­рий­лерді кент әкімшілігі, мектеп дирек­торы, оқушы­лар, лагерь бас­шы­ларына бе­кі­­тіп отырады. Аталған мере­келер­ге  бала­­бақша, мектеп, «Сыр ұланы» лагері атсалысып жүр.
Қысқасы, Шиелі кенті «Арман» мәде­ниет үйінің арқасында мерекелерді жоғары деңгейде өткізудің орталығына айналып отыр.