Түркияны тәнті етті

Таяуда Құрманғазы атындағы Қазақ ұлттық консерваториясының студенттерінен құралған ұлт аспаптар оркестрі Түркияда өнер көрсетіп қайтты. Дүйсен Қасейінов басшылық ететін халықаралық ТҮРКСОЙ ұйымымен бірлесіп ұйымдастырылған гастрольдік сапарда түрік жұрты қазақ жастарының өнеріне тәнті болды.

Қазақ ұлт аспаптар оркестрі – «Жұбанов көктемі» халықаралық байқауының Гран-при жүл­де­ге­рі. Оркестрдің жетекшісі әрі бас дирижері — Қазақстан Республи­ка­сының еңбек сіңірген қайраткері, про­фессор Айтқали Жайымов.
Гастрольдік сапар барысында оркестр бірнеше концерт берді. Осы концерттердің бірі әлемнің 150 еліне тарайтын телеарна ар­қылы көрсетілмек. Сондай-ақ сту­денттер оркестрі Түркияның 90 жылдығына арналған байқауға қа­тысты. Байқау Түркияның Амасья қаласының кө­ше­сінде өтті. Аталған мерекелік шара барысында үлкен шеру ұйым­дастырылды. Шеруге Түркия­ның Президенті Абдулла Гүл арнайы келді. Түрік жұртшылығының наза­рына тек қазақтілді ғана емес, басқа түркі тілдес композиторлардың шы­ғар­малары ұсынылды.
Гастрольдік сапарға атсалыс­қан өнерпаздардың қатарында жас ди­рижер Арман Жүдебаев, Мем­ле­кеттік «Дарын» сыйлығының лау­реаты Сәуле Жанпейісова, ха­лық­­аралық және республикалық бай­­­қаулардың лауреаты Ахат Кен­же­баев, халықаралық «Шабыт» фес­тива­лінің лауреаты «Сарын» фольк­лорлық ансамблі және «Тұран» фольклорлық-этно­гра­фиялық ансамблі өнер көрсетті. Сондай-ақ қазақ және түрік тілдерінде жас әнші Ақерке Тәжібаева ән шырқады.