«Шаншар» Қытайда жүр

Алда келе жатан ұлыстың ұлы күні Наурыз мерекесіне орай Орта Азия күлкі жәрмеңкесінің лауреаты «Шаншар» әзіл-сықақ театры 20 ақпанда Қытайға концерттік сапарын бастады.
Әуелі Іле қазақ автономиялы облысы Күнес ауданынан басталған думанды кеш­тің соңы 3 наурызда облыс орталығы Құл­жа қаласында жалғасын таппақ. Екі аптаға жуық уақыт ішінде бұл өнер ұжымы об­лыс­тың тоғыз аудан, екі қаласын ара­лап, ең жаңа әзілдерімен көрермен көңі­лінен шықпақ ниетте.
Айбын Дәуітұлы жауапты болған кеш­тің ақпараттық қолдаушылары – қазақтілді «Бозбала» мен «Азаматтар» сайты. «Шан­шар» театры бұрын да Үрімжі қаласында гастрольдық сапармен бірнеше мәрте бол­ған. Сондықтан ондағы ағайын күлкі күй­месін мінген Уәлибек пен Жүсіп бастаған әзілкештердің қойылымын көруге әркез құштар.
Айбын ДӘУІТҰЛЫ, жоба үйлестірушісі:
– Шыны керек, мұндағы жұрт бұл әзіл кешке қатты қызығушылық таны­туда. Кассадағы билеттерді көптеп сатып алуда. Жоспарымыздан тыс қа­за­ғы жиі шоғырланған кей өңірлерде бірнеше рет концерт өткізуімізді өтініп, қоңырау шалып жатқандар бар. Бү­гінде мәдени саладағы қарым-қаты­настар өте жақсы. Былтыр біздегі сатира саңлақтары атамекенге ат басын бұрып, ондағы әріптестерімен өзара пікір алмасып қайтқан болатын. Сондықтан мұндай мәдени шаралар бізге қажет. Яғни сырттағы қазаққа қажет.