Ертең, 21 қазан күні сағат 10.00-де Темірбек Жүргенов атындағы Қазақ Ұлттық өнер академиясында отандық және шетелдік өнер шеберлерінің қатысуымен «Асыл мұра» тақырыбында Халықаралық Дөңгелек үстел өткізілмек.
Ұлттық өнердің қордаланған проблемаларын ортаға салатын басқосуда «Дәстүрлі музыкалық өнер» кафедрасының оқытушылары мен студенттерінен құралған ғылыми тобының 2013 және 2014 жылдары Баян-Өлгий аймағында (Монғолия) зерттегенфольклорлық экспедиция нәтижелеріненшыққан «Назқоңыр» CD дискісі және«Ақшоқы» ноталық жинақ кітабыныңтұсау кесері ұйымдастырылады. Сонымен қатар, Фольклорлық экспедиция материалдарынан фото, кітап көрмелері мен деректі фильм көрсетіліп, Түркия, Монғолия, Қырғыз, Башқұртстаннан келген дәстүрлі өнер орындаушыларының қатысуымен өтетін арнайы концертте қазақ халқының ән, күйлерімен біргетүркі тілдес халықтарының көне музыкалық аспаптарынан шыққан әуен саздар орындалады.
Дөңгелек үстел мақсаты – қазақ фольклорын зерттеуді жалғастыру және осы бағыттағы жұмыстарды жандандыру. Ұлттық дәстүрлі музыкалық өнерді сақтап жаңғырту және келер ұрпаққа мұра етіп қалдыру мақсатында өткізілетін аталған іс-шараны ұйымдастырушы Т.Жүргенов атындағы Қазақ ұлттық өнер академиясы, Дәстүрлі музыкалық өнер кафедрасының жанынан құрылған фольклорлық зертханасы. Меңгерушісі - Қазақстанның еңбек сіңірген әртісі Рамазан Стамғазиев
Қазақ фольклорын зерттеуге арналған дөңгелек үстел өтеді
Последние статьи автора