Қаламгер мерейі

Ертең сағат 16.00-де  Қазақстан Жазушылар одағының Әдебиетшілер үйінде  белгілі қоғам қайраткері, жазушы, аудармашы, ҚР еңбек сіңірген мәдениет қайраткері Уахап Қыдырханұлының 80 жасқа толуына арналған мерейтойлық салтанатты кеш өтеді.

Уахап Қыдыр­ханұлы публи­цист ретінде де баспа­сөз­де за­ман­­ның сөзін айтқан, та­ри­хи-танымдық ой­лы мақалалары­мен оқырманын сусындатып, Қа­зақ­стан Журна­листер одағы сый­лығын төрт мәрте иелен­ген.
Ұлт әдебиетінің өркендеуіне өзіндік үлес қосып келе жатқан қаламгердің «Әт­тең, Алтай», «Марқакөл» атты тарихи кітап­­тары, «Шаңқай түс», «Таң нұры», «Тас­қай­нат», «Алтын ай» атты әңгіме-повестер жинағы, «Сағыныш саздары» атты диаспо­ралық шежіре кітаптары өзінің лайықты бағасын алған.
Дүниежүзі қазақтары қауымдастығы­ның негізін салушылардың бірі саналатын жазушы сондай-ақ қасиетті Құран Кәрімнің түсіндірмелі-мағыналық тәржімесін жасаған.
Дүниежүзі қазақтарының қауымдасты­ғы және Қазақстан Жазушылар одағы бір­ле­сіп ұйымдастырып отырған әдеби кешке қаламгердің шығармашылықтағы әріптес­тері, танымал мәдениет және өнер өкілде­рі, көрнекті ғалымдар қатыспақ. Келемін деушілерге есік ашық.