«Өркениеттер диалогы» – Алматыда

Келесі аптаның басында, яғни маусымның 9-10 аралығында Қазақстан Республикасының Мәдениет және ақпарат министрлігі, Мәдениет комитеті, Мәдени саясат және өнертану институты «Өркениеттер диалогы» Әлемдік қоғамдық форумымен бірлесе отырып, «Нұр Отан» партиясының стратегиялық әріптестігімен «Мәдени мұра» ұлттық жобасы аясында «Тарихи-мәдени мұраның өркениеттер диалогындағы рөлі» атты халықаралық ғылыми-теориялық конференциясы өткізіледі.
Халықаралық ғылыми-теориялық кон­ференцияда «Мәдени мұра» ұлттық жо­басын халықаралық дәрежеде насихаттау, Қазақстанды әлеуметтік-гуманитарлық өзек­ті мәселелерді шешетін, халықаралық өр­кениеттер диалогының алаңына айнал­дыру, сондай-ақ Қазақтың ұлттық тарихи-мәдени мұрасын дүниежүзілік ғылыми айналысқа енгізу міндеті қойылып отыр. Конференцияға Қазақстанның ЮНЕСКО-дағы тұрақты өкілі Олжас Сүлейменов, «Өркениеттер диалогы» Әлемдік қоғам­дық форумының президенті Владимир Якунин, Мәдени саясат және өнертану инс­титутының директоры, саясаттану ғылымының кандидаты Ерлан Саиров, «М.Әуезов» қорының директоры, фило­ло­гия ғылымының кандидаты Мұрат Әуе­зов басқа да қоғам қайраткерлері мен ғалымдар, шетелден келген қонақтар қатысады. Екі күнге созылатын жиында «Мәдени мұра» мемлекеттік бағдар­ла­масын халықаралық дәрежеде насихаттау, қазіргі өркениетті заманға лайықты ортақ кеңістіктегі конструктивті диалог қалып­тастыру мақсат етіліп отыр.