"Өнерге қатысы бар": Анара Батырхан бір жылдың ішінде тұрмысқа шықпақ
Отандық танымал актриса Анар Батырхан бір жылдың көлемінде отбасын құруға ниетті екенін жеткізді. Кино саласының жұлдызы жүрегін жаулай алған сері жігіт туралы да бірқатар маңызды мәліметпен бөлісті деп жазады "ShowNewskz" бағдарламасына сілтеме жасаған KAZ.NUR.KZ.
Анар Батырхан құрбысы Айым Сейтметованың тойында қалыңдық гүл шоғын қағып алып, өзінің тойы да алыс емес екенін жариялады.
Актриса кімге тұрмысқа шыққалы жатқанын да жасырмай айтып берді.
"ИншаАллаһ, бір жылдың ішінде мен Алла қаласа күйеуге тиемін. Шоу-бизнеске қатысы бар. Бірақ, түбегейлі актер немесе әнші деп айта алмаймын. Бірақ, өнерге қатысы бар. Ертең өнерімді түсінетін ер жігіт деп ойлаймын. Ертең не болып кететінін бір құдай біледі ғой. Алайда, әзірге бәрі жақсы" , - деді Анар Батырхан.
