«Ежелгі Тараз» қалашығында қарқынды жұмыс

Жамбыл облысы аумағында тарихи және мәдени ескерткіштерді күтіп сақтау, қорғау тиісінше жүзеге асуда. Оның ішінде «Ежелгі Тараз» қалашығында археологиялық ғылыми-зерттеу жұмыстарына үлкен мән беріліп отыр. Биылғы жылдан бастап шахристан мен цитадельді зерттеуге күш жұмылдырылды. Ол бойынша үш қазынды және екі траншея салынды.
«Ежелгі Тараз» қалашығында жүр­гі­зі­летін археологиялық ғылыми-зерттеу жұ­мыс­тары жүргізілген аумақ 2550 шаршы метрді  құрайды. Қазба тереңдігі 1-3,5 м. ара­лығында. Геосканермен жүргізілген зерт­теулер 10600 шаршы метр аумақты құ­раса, жалпы жүргізілген қазба жұ­мыс­тары 4.800 текше метрді құраған. Бүгінге де­йін төрт құрылыс қабаты анықталып, зерт­теу жұмыстары жүргізілді. Қазба жұ­мыс­тары нәтижесінде 33 000 қыш құмыра бұ­йымдарының сынықтары табылып отыр. Олар­дың ішінде 107 данасы бүтіндей сақ­талған. 33 монета, 26 шыныдан жасалған жә­не бес дана сүйектен жасалған археоло­гия­лық жәдігерлер табылып отыр. Сондай-ақ қазба жұмыстары кезінде оншақты сфе­ра­конустар да табылды. Осы жәдігерлер ар­қылы Х-ХІІ ғасырларға қатысты Қара­ха­нидтер кезеңінің керамикалық бұйым­да­рының бірегей топтамасы жинақталды. Бұл қазба жұмыстары барысында жергілікті 100 тұрғын жұмыспен қамтылды, ар­хео­ло­гиялық ғылыми-зерттеу жұмыстарын жүр­гізуге облыстық бюджеттен 100 мил­лион теңге қаражат бөлінген.