Димашты әлем елі тануда. Қай ел болмасын ерекше ықыласпен, қуанышпен қарсы алады. Қазақ әншісінің Токиоға сапары да ерекше болды.
Димаш Токио әуежайына барғанда әншінің құрметіне қазақ тілінде хабарланған. Бұл туралы Арман Шораев желідегі парақшасында жазды.
"Димаш барғанда Токио әуежайы тарихта алғаш рет қазақ тіінде хабарлапты. Қазақ тіліне деген мұндай құрмет әлемнің бірде-бір елінде жасалған жоқ. Тіпті, мемлекет басшысы барғанда да. Осының бәрі айналайын Димаштың арқасы. Әнсүйер қауым қазақ тілінде ән салып тұрды. Осында алтын айдарлы ұлды құрметтей білгеніміз жөн", - деп жазды Шораев.
Токиолық жанкүйерлер әуежайға Қазақстанның туы мен плакаттарын ұстап тұрды.
Бұрын хабарланғанындай, Димаш Құдайберген ABU TV Song Festival 2019 ән фестивалінде өнер көрсетеді. Ол Қазақстанды шақырылған қонақ ретінде ұсынады. Концерт 19 қарашада Токиода өтуге жоспарланған.