Адам не нәрсе болса да соның мән-мағынасын бiлмекке құмартады. Сондықтан да бiздiң бiр-бiрiмiзбен өзара әңгiмемiз негiзiнен сұрақ-жауап алмасудан тұрады. Десек те қарапайым пенде түгiлi көзi ашық, көкiрегi ояу адамның өзi өмiр бойы нақты жауабын таба алмай кететiн салмақты сауалдар болады.
Кезiнде Шәкәрiм Құдайбердиев өзi қызмет iстеген «Айқап» журналының 1912 жылғы бесiншi санында «Бiлiмдiлерге бес сауал» деген тақырыпта шағын мақала жазып, қызыл үкiметтiң айтағына ерiп, тамырынан ажырай бастаған Алаш жұртына наз айтады. Аталған мақалада: «Бiлiмдiлерден бес түрлi сөздiң шешуiн сұраймын. Әншейiн жұмбақ емес, өз ойымша, адамның екi дүниесiне бiрдей керек. Жауап берушi қазақ болсын, басқа жұрт болсын бәрiбiр, бiрақ жауап қазақ тiлiнде жазылсын, яки орысша сөз кiрсе, қазақша тәржiме етiлсiн. Жауап неғұрлым ұғымды, қысқарақ сөзбен жазылса екен», – деген талап қойылған. Ендеше, бiз де өз тарапымыздан осы талаптарды ескере отырып, сондағы бес сауалды қазаққа қайыра қоюды жөн санадық:
Сонымен, Шәкәрiм қажының ортамызға тастаған бес сауалы мынадай:
1.Алланың адамды жаратқандағы мақсаты не?
2.Адамға тiршiлiктiң ең керегi не үшiн?
3.Адамға өлген соң, мейлi, не жөнмен болсын, рахат-бейнет, сауап-азап бар ма?
4.Ең жақсы адам не қылған кiсi?
5.Заман өткен сайын адамдардың адамшылығы түзелiп бара ма, бұзылып бара жатыр ма?
Қай түрлi жауап берсеңiз де, дәлелiңiз не?
P.S.
Бұл сауалдарға сiз қалай жауап берер едiңiз?
Ой бөлiсейiк...