Ауылдағы этно-шоу

Алматы қаласы рухани ордамыз болғандықтан VII қысқы Азиада ойындарын тек спорт тұрғысынан ғана емес, мәдени бағдарламалар арқылы да халқымызға кеңінен танытып жүр. «Мәдени Азиаданың» шеңберінде шетел қонақтарына қазақ халқының дәстүрін танытатын этнографиялық көрсетілім ұйымдастырылды. Көрсетілімді «Қазақ ауылы» деп атапты.
«Мәдени Азия» қазақ халқының ғана емес, бүкіл түркі жұртының руханиятын танытты. Оған қаламызда ұйымдас­ты­рылған сан түрлі мәдени шараларды атауға болады. Соның бірі жуырда ғана Шоқан Уәлиханов атындағы алаңда өткен этно­графиялық көрсетілім – «Қазақ ауылы». Онда қазақ халқының мәдени өмірі, атап айтқанда, ақындар айтысы, қыз ұзату, неке қияр, бесікке салу, тұсау кесер, тойбастар, шашу, бата т.б. салт-дәстүрлер шетел қо­нақ­тары мен қазақстандықтарға шоу ретінде көрсетілді.