«Абай» деректі драмасы көрсетіледі

Бүгін Алматыдағы Жазушылар одағының Әдебиетшілер үйінде «Қазақ­стан» телерадио корпорациясының тапсырысы бойынша «Қазығұртфильм» киностудиясы түсірген бес желілі «Абай» деректі драмасының тұсаукесері өтеді.
Шараға фильмнің продюсері Сәбит Әбді­халықов, сценарий авторы Ерлан Төлеу­тай, режиссері Нұргелі Садығұлов, операторы Ринат Қосай, Құнанбай рөлін сомдаған әртіс Бауыржан Қаптағаев, Абай рөлінде ойнаған әртіс Жалғас Толған­бай, белгілі режиссерлер Болат Атабаев, Сатыбалды Нарымбетов, Болат Қалымбетов, Жаңабек Жетіруов, ақын-жазушылар Мұ­рат Әуезов, Дулат Исабеков, Дидар Амантай, Жанарбек Әшімжан және тағы бас­қалар қатысады.
Ерлан ТӨЛЕУТАЙ, «Абай» деректі драмасының сценарисі:
– Фильмді жарыққа шығаруға сегіз ай уақыт кетті. Түсірілім Шығыс Қазақ­стан облысына қарасты Абай ауданында, Жидебай қорығында, Алматы, Астана қала­ларында жүргізілді. Астанадан Тұрсын Жұртбай, Дархан Қамза­бекұлы, Ғари­фол­ла Есім, Серік Негимов, Омар Жәлел, Алматыдан Серік Қирабаев, Мұ­рат Әуе­зов, Болат Атабаев, Шығыс Қазақ­станнан Төкен Ибрагимов, Бек­мұхамбет Исабай, Қызыл­жардан Зар­қын Тайшыбай тәрізді атақ­ты абай­танушы ғалымдар деректі фильм­де Абай туралы өз ойларын көп­шілікке ұсы­нады. Туындыда Абай өмірі мен шы­ғар­машылығының ең елеулі кезеңдері қамтылған.