9 сәуір күні Токиода Геннадий Головкин мен Риото Мурата арасындағы кездесу өтіп, қазақстандық спортшы мерзімінен бұрын жеңіске жеткен болатын. Ресейлік «Чемпионат» сайты жекпе-жекке шолу жасап, мақала жариялады.
Басылым 40 жастағы Головкиннің бұрынғы қарқыны жоғалғанын, осы жолы қарсыласына көп еркіндік бергенін жазған және «Канеломен» кездеспеуге шақырды.
«Геннадий Головкиннің кезекті жеңісі. Егер футбол терминологиясын қолдансаңыз, ол үлкен еңбекпен келді. GGG жекпе-жектің басын беріп қойды, ол негізі алғашқы үш раундта қарсыластарын құлатумен танымал болған еді.
…Жеңімпазды жариялағаннан кейін Головкин Канело Альварес туралы да, өзінің алдағы жоспарлары туралы да ештеңе айтқан жоқ. Мүмкін, ол қазіргі формада «Канеломен» үшінші жекпе-жекті өткізбейтінін түсінетін шығар», – деп жазады басылым.