Қазақстандық боксшы Данияр Елеусінов (10-0, 6 КО) рингке маусым айында оралуы мүмкін. Олимпиада чемпионының менеджері Зия Алиев Vesti.kz тілшісіне боксшы үшін жаңа келісімшарт туралы айтып берді.
- Шамамен алдағы екі жекпе-жекке қарсыластар белгілі, бірақ, Matchroom компаниясымен оның келісімшарты бойынша келіссөз жүргізіп жатырмыз.
- Нендей қиындық бар?
- Бізге ұнамай тұрған бір-екі дүние бар, былайша айтқанда, бізге келмейтін шарттар.
- Басқаша жолы бар ма?
- Иә, әрине, көптеген промоутердің қызығушылығы бар. Данияр - IBF рейтингінде сегізінші. Мықты боксшы, сондықтан қызығушылық әрдайым болады.
- Ал Даниярдың жекпе-жектері бойынша белгілі мерзім бар ма?
- Қазір осы туралы келісіп жатырмыз. Шамамен маусымның басы. Данияр өзін бабында ұстап отыр, спарринг өткізіп тұрады. Бірақ дайындалу үшін осында (АҚШ-қа. - Vesti.kz ескермесі) келу керек. Қазір уақытын талқылап жатырмыз. Ол рингке маусым басы немесе ортасында шығатын шығар.