Америкалық кәсіби боксшы Майк Тайсон Головкин мен Альварес арасындағы жекпе-жекте алғашқысының жеңіске лайық болғанын айтып өтті, деп хабарлайды Baq.kz ақпарат агенттігі.
«Головкин бұрын да жеңіске жетіп жүрді. Енді бізге оның тағы да жеңіске жеткені қажет. Әрине, мен Головкинді жақтаймын», — дейді Майк Тайсон Алматыда өткен Synergy Global форумында.
Мұнымен қатар, спортшы қазақстандық боксшыларға кеңес берді.
«Қазақстандық боксшылар көбірек және табандырақ жаттығулары тиіс. Олардың мектептері жақсы әрі қолдарынан көп нәрсе келеді. Мысалы, Головкин жақсы боксшы. Сіздер Головкинді жақсы көресіздер емес пе?! Көптеген қазақстандық боксшы сол сияқты бола алады», — дейді Тайсон.