Golden Boy "Канелоға" қарсылас болатын боксшылар тізімін жариялады
Golden Boy промоутерлік компаниясы Сауль "Канело" Альварестің (53-1-2, 36 KO) келесі кездесуінде қарсылас болуы мүмкін деген боксшылардың тізімін жариялады, деп хабарлайды Boxingnews24.com.
Бұл тізімге 36 жастағы Багам аралының боксшысы Туреано Джонсон (21-2-1, 15 KO) мен 29 жастағы ирландиялық Джейсон Куигли (18-1-0, 14 KO) кірген. Бұл екі боксшы да орта салмақта өнер көрсетеді. Екеуі өткен жылы шілдеде кездесіп, Джонсон жеңіске жеткен болатын.
Бұған дейін "Канелоның" келесі қарсыласы Сергей Деревянченко (13-2-0, 10 KO), Каллум Смит (27-0-0, 19 KO) және Джон Райдер (28-5-0, 16 KO) болуы мүмкін деген ақпарат шыққан еді.
Мексикалық боксшының қарсыласы чемпион болмайды. Өйткені, оның командасының чемпионға беретін ақшасы болмай тұр.
"Канело" шаршы алаңға 16 қыркүйек күні оралады. Оның кездесуі Лас-Вегас, Нью-Йорк немесе Техас штаттарының бірінде өтуі мүмкін. Енді тек қарсылас табу керек.
