Бесінші жыл қатарынан «Атамекен» Ұлттық Кәсіпкерлер Палатасы Министрлікпен бірлесіп қазақстандық жоғары оқу орындарының білім беру бағдарламаларына тәуелсіз бағалау жүргізеді, - деп хабарлайды Alashainasy.kz тілшісі ҒжЖБ министрлігінің баспасөз қызметіне сілтеме жасап.
Рейтинг 19 критерий бойынша өткізілді, олардың ішінде негізгілері: жұмысқа орналасу деңгейі, орташа жалақы, білім беру бағдарламасын аккредиттеу, оқытушылардың сапасы, білім беру бағдарламаларының өзектілігі және т.б.
Өткен жылдармен салыстырғанда жұмысқа орналасудың орташа пайызы 1,8% -ға артық, мысалы, 2020 жылы жұмысқа орналасу деңгейі 71%, 2021 жылы 77,7%, ал 2022 жылы 79,5% құрады.
Ең үлкен қызығушылықты - бірінші жылы жоғары оқу орнын бітіргеннен кейінгі түлектердің алғашқы жалақысы критерийі көрсетті. 2021 жылғы түлектердің орташа жалақысы - 155 621 теңгені құрады және өткен жылғы рейтингтегі түлектердің орташа жалақысынан 41 554 теңгеге артық (2020 жылғы түлектердің орташа жалақысы - 114 067 теңге құрады).