Бүгінгі күні сыбайлас жемқорлықпен күрес мемлекетіміздің басты ұстанымдарының бірі болып отыр. Мемлекет басшысы Қасым-Жомарт Тоқаевтың «Сындарлы қоғамдық диалог – Қазақстанның тұрақтылығы мен гүлденуінің негізі» атты алғашқы Жолдауында да жемқорлық мәселесінің ұмыт қалмай, ел басшысының Жолдауынан көрініс табуы мәселенің қаншалықты өзекті екенін байқатса керек.
"Орталық және жергілікті органдардың нормативтік құқықтық актілеріне сыбайлас жемқорлыққа қарсы сараптама жүргізу ісін қайта қалпына келтіру қажет. Бұған сарапшылар мен қоғам өкілдері де атсалысуы тиіс. Сыбайлас жемқорлыққа қатысты қылмыс жасалған мекеменің бірінші басшысының жауапкершілігін заңнамалық және нормативтік тұрғыдан нақты белгілеу керек" деп Жолдауда жемқорлықпен күрестің нақты ұсынысы да көрсетілген. осы орайда жемқорлықпен күрестің түрлі тәсілдерінің қолданылып, күрестің күшейгені қоғам талабы болып отыр.
Тіпті жемқорлықпен күресті мемлекет қабырғасынан оқушылардың санасына сіңірудің маңызы зор! Осы орайда Қызылорда облысы, Арал ауданы, Қарақұм ауылының №59 орта мектебінде "Ақмешіт адалдық алаңы" жобасы аясында "Адалдық-асыл қасиет" тақырыбында сыбайлас жемқорлықтың алдын алуға байланысты сынып оқушыларына ашық сабақ өткізілді.
Ашық сабақ барысында оқушыларға өз құқықтары жөнінде және сыбайлас жемқорлықтың қоғамға қауіп төндірер іс-әрекет екендігі жөнінде мәлімет беріліп, адалдық қасиет жөнінде өз ойларымен бөлісті. Тағлымы мол тәрбие сағаттары бала көңіліне келелі ой түйгізерлік болды. Жолдауға орай үн қосып, оқушылардың құқықтық сауатын арттырып, оқушылардың санасына жемқорлықтың жолын кесуге қатысты тәрбие сағатының балаларға берері мол болғанына сенім мол!