«Мұқағали әлемі» шығармашылық-танымдық орталықтың жас ұрпаққа берері мол
Хантәңірінің мұзбалағы, ақиық ақын, тау тұлғалы талант, дарынды дарабоз, миллион сырлы сезімнің иесі Мұқағали Мақатаев есімі жақында Нұр-Сұлтан қаласындағы №74 мектеп-гимназиясына берілген еді. Көп ұзамай ақынның есімін иеленген білім ордасында «Мұқағали әлемі» шығармашылық-танымдық орталығының салтанатты ашылуы болды. Бүгінде орталық өз жұмысын бастап кетті.
Орталығымыздың жаңашылдығы сол-ақынның өмірі мен шығармашылығы, ақын жайлы естеліктер мен әндері заманауи тұрғыда, яғни QR код арқылы көруге, тыңдауға болады. Орталық құндылықтарды, мұраларды сақтап жинақтауда, өскелең ұрпақтың санасында тарихи сананың қалыптастыруында маңызды рөл атқаратыны сөзсіз. Ұрпақтар сабақтастығының айқын көрінісін орталыққа келген әрбір оқушының алған әсерінен көруге болады.
Сонымен қатар орталықта «Білгің келсе, алдымен зертте мені...» атты оқушылардың шығармашылықпен айналысатын арнайы зал орналасқан. Бұл жерде жас зерттеушілеріміз шығармашылықпен, зерттеу жұмыстарымен айналыса алады. Орталық өскелең ұрпақтың интелектін, олардың шығармашылық тұлғалық тәрбиесін дамыту, үлкен ой салатын және ізденіс тудыратын әртүрлі әдіс-тәсілдермен зерттеу және ұсыну. Саф өлеңнің жүйрігі, ақиық ақын, қазақ поэзиясының мұзбалағы, Мұқағали Мақатаевтың есімі Сары-Арқаның төрінде, мектебімізге ақынның есімі берілудің басты мақсаты ер есімі ел есінде қалуы. Ол – біздер үшін өшпес те өлмес асыл мұра, қасиетті қазына болып қала бермек!
Рахымжан Бағдагүл Рахымжанқызы
М.Мақатаев атындағы №74 мектеп-гимназия
директорының тәрбие жұмыс жөніндегі орынбасары
