Volkswagen жаңа Passat-ты камуфляжбен қапталған суреттерін жариялай бастады. VW мамандары машинаның салоны мен сипаттамасын да көрсетті, - деп хабарлайды Alashainasy.kz тілшісі Кolesa.kz-ке сілтеме жасап.
Бес есікті Passat сәл үлкейіп, бағасы өседі және үнемді болады.
VW Passat-тың сырт пішіні марканың ID.7 сияқты электрлі өнімдерінің стилінде жасалған.
Универсал ерекше оптикамен көзге түседі, ал бампердегі ауатартқыш толық электрлі нұсқасы болмайтынын білдіреді.
Жарық техникасы әдеттегідей жарықдиодты немесе жарығы 500 метрге түсетін матрицалы болуы мүмкін.
Passat айтарлықтай үлкейді, ұзындығы 144 мм (4917 мм), ось арасындағы қашықтық 50 мм (2841 мм) ұзарды. Артқы жолаушылар орны кеңейіп, жүксалғыш көлемі 690-нан 1920 литрге артты. Модельдің интерьерін жаңа Tiguan стилінде жасаған. Аспаптар панелінің диагоналы 10.25 дюйм, ортаңғы экран нұсқасына байланысты 12.9 немесе 15 дюймді болады.
VW Passat-тың мотор гаммасында әдеттегі бензинді және дизельді қозғалтқыш, сондай-ақ гибрид күштік құрылым болады. Агрегаттар 204–272 ат күшін береді, ал электрлі режимде универсал 120 км жол жүреді. Мамандар жаңа Passat-ты екі клапанды амортизаторы бар жақсарған бейімді шассимен жабдықтайды.
VW Passat-тың тұсаукесері қашан өтетіні белгісіз. Бірақ универсал өзімен бір платформаны бөлісетін Škoda Superb-пен бірге биыл күзде жарық көруі мүмкін.