Жаңа Lexus RX Қазақстанда қанша тұрады
![Жаңа Lexus RX Қазақстанда қанша тұрады](/image/stub.png)
2022 жылғы маусымда жарық көрген бесінші буындағы Lexus RX Қазақстанға келді. Біздің елде кроссовердің алты комплектациясы бар RX 350 нұсқасы және RX 500h бензин-электрлі түрленімі сатылады. Соңғысы тек екі жиынтықта қолжетімді болады, - деп хабарлайды Alashainasy.kz тілшісі Кolesa.kz-ке сілтеме жасап.
RX 350 239 ат күші мен 429 Нм беретін 2.4 литрлік турбомотормен жүреді, ол 8 сатылы автоматпен жұптасады. Бұл агрегат бұрынғы 3.5 литрлік V6-ның орнын басты.
RX 350-дің ең арзан Comfort жиынтығы 34 млн теңге тұрса, ең қымбат Luxury нұсқасы 42.9 млн теңгеге бағаланып отыр.
RX 350-дің F-Sport пакеті бар комплектациясы болады, ол өзгеше сырт пішіні, 21 дюймдік қара дөңгелек дискісі және салондағы арнайы декормен ерекшеленеді. Мұндай машина 40.5–40.8 млн теңге тұрады. RX 350-дің ең қарапайым нұсқасы үш аймақты климат-бақылау, проекциялық экран, электрлі реттелетін кресло, қауіпсіздік жүйесінің толық жинағы және т.б. пайдалы заттармен жабдықталады.
RX 500h гибрид нұсқасы F-Sport пакетімен ғана сатылады. Бағасы — 48–48.3 млн теңге. Күштік құрылымы 2.4 литрлік турбомотор мен артқы осьтегі электромотордан тұрады. Агрегат 8 емес, 6 сатылы автоматпен жұмыс істейді. Қуаты — 367 ат күші мен 550 Нм.
Қазақстанда төртінші буындағы RX-тің бағасы 32 млн теңгеден (2 литрлік турбомотормен жүретін RX 300) басталып, 53.4 млн теңгеге (Luxury жиынтығындағы RX 450h гибриді) жетеді.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)