Қазақстандағы Hyundai топтамасы i20 моделімен толықты
![Қазақстандағы Hyundai топтамасы i20 моделімен толықты](/image/stub.png)
Hyundai-нің Қазақстандағы модельдік топтамасына i20 хетчбэгі қосылады, - деп хабарлайды Alashainasy.kz тілшісі Кolesa.kz-ке сілтеме жасап.
Үшінші буындағы автомобиль 2020 жылы ақпанда жарық көрген, ұзындығы 4 метрден асады, ал дөңгелек базасы — 2.6 метр. Шағын i20 бізге жақсы таныс Hyundai Getz-тің ізбасары саналады, машина Bayon кроссоверімен бір платформада жасалады.
Біздің елде i20 моделі 100 ат күшіне (134 Нм) ие 1.4 литрлік атмосфералы мотормен (MPI) жүреді. Агрегат 6 сатылы автоматпен жұмыс істейді. Бұл Bayon-ның күштік құрылымымен бірдей. Көлік алдыңғы жетекті.
Автомобиль үш комплектацияда сатылады. Ең қарапайым нұсқасы (Active) 8 млн теңге тұрады. Мұндай машина екі қауіпсіздік жастығы, көмекші жүйелердің базалық жинағы, круиз-бақылау, ауа баптағыш, қарапайым аудиожүйе және бір USB-портпен жабдықталады. Алдыңғы орындық пен рөлі қолмен реттеледі, салоны матамен қапталған, айнаны жылытуға болады. Шамы галогенді, дөңгелек дискісі — 15 дюйм, шина өлшемі — 185/65.
Style жиынтығы 8.5 млн теңге тұрады. Жабдықтар тізімінде бүйірлік қауіпсіздік жастығы мен пердесі, артқы парктроник, кілтсіз ашу жүйесі, климат-бақылау, жылытуға болатын алдыңғы орындық пен рөл, екінші қатардағы жолаушыларға арналған қосымша USB-порт және жарықдиодты шам бар. 16 дюймдік дөңгелек дискісі 195/55 өлшемді шинамен қапталған.
Үздік Prime түрленімін 9.1 млн теңгеге алуға болады. Машинада алдыңғы парктроник, артқы көрініс камерасы және автоматты тежеу, жолақта ұстау сияқты электронды көмекшілер бар. Қарапайым аудиожүйе орнына 8 дюймдік экраны бар медиакешен орнатқан, бұдан бөлек смартфонды сымсыз қуаттау мүмкіндігі және автоматты күңгірт түске енетін салондағы айнаны айтуға болады. Оптикасы толықтай жарықдиодты, сондай-ақ тұманға қарсы шам, күңгірттелген артқы әйнек сияқты пайдалы заттар бар.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)