Omoda электрлі C5-ті экспортқа шығарады
Chery концерні Omoda суббренді шығарған батареялы жол тағамайтын көліктің экспортқа арналған түрленімін Индонезияда өткен GIIAS көрмесінде таныстырды, - деп хабарлайды Alashainasy.kz тілшісі Кolesa.kz-ке сілтеме жасап.
Ол елде электрокар Chery Omoda 5 EV деген атаумен сатылады. Темір тұлпарға тапсырыс қабылдауды бастаған алғашқы шет мемлекет — Индонезия.
Бұған дейін Chery электрлі кроссоверді Шанхайдағы жергілікті автосалонда көрсеткен еді. Индонезиядағы нұсқа алғашқымен ұқсас, бірақ радиатор торының бітеу панелі мен өзге бамперлер ерекшелеп тұр. Индонезиялық Omoda 5 EV Chery брендінің атынан сатылатындықтан, өзіне тән жапсырмалар жинағына ие болды.
Басқару құралдары оң жақта орналасқаны болмаса, Omoda 5 EV-дің түсі де, интерьері де Шанхайда шығатын электрокармен бірдей. Тек ортаңғы тоннельдегі батырмалардың пішіні өзгерген.
Кроссовердің жабдықтар тізіміне Qualcomm Snapdragon 8155 чипі арқылы жұмыс істейтін 24.6 дюймдік қосарлы экраны бар медиажүйе кіреді. Автомобильдің жергілікті нұсқасы 224 ат күшін беретін электромотормен жүреді. Ол алғашқы жүздікті 7.8 секундта еңсереді. Жүріс қоры 450 шақырым, оны 35 минутта 80%-ке дейін қуаттауға болады.
Индонезиялық клиенттер Omoda 5 EV-ді 2023 жылдың төртінші тоқсанында сатып алады. Дәл осы кезде батареялы Omoda C5 Ресей нарығына шығады деген болжам бар. Алайда электрокардың Қазақстандағы болашағы белгісіз. Марка бензинді C5 кроссовері (11.9 млн теңге) мен S5 седанын (кемі 11 млн теңге) ұсынып отыр.
Соңғы сағатта көп оқылған жаңалықтар осында Massaget.kz
