2024 жылы еурохаттама қолданысқа енеді
![2024 жылы еурохаттама қолданысқа енеді](/image/stub.png)
Үкіметтің арнайы қаулысымен Жол ережесіне тиісті өзгерту енді. Ол 2024 жылы 1 қаңтарда күшіне енеді, - деп хабарлайды Alashainasy.kz тілшісі Кolesa.kz-ке сілтеме жасап.
Сол күннен бастап ЖҚЕ-де «жол-көлік оқиғасын жеңіл рәсімдеу — жол-көлік оқиғасына қатысты құжаттарды ішкі істер органының қызметкерлерінің қатысуынсыз рәсімдеу» деген түсінік пайда болады.
Ереженің 8-тармағы да өзгеріп, былай жазылады:
«Жол-көлік оқиғасы болған жағдайда, егер зардап шеккендер болмаса, болған оқиғаның мән-жайларын бағалауда жүргізушілер өзара келіскен кезде оқиғаның схемасын алдын ала жасап және оған қол қойып, жол-көлік оқиғасы жеңіл рәсімделмесе, оқиғаны ресімдеу үшін ішкі істер органдарының жақын бөлімшесіне келеді.»
Артынша «Көлік құралдары иелерінің азаматтық-құқықтық жауапкершілігін міндетті сақтандыру туралы» заңға да түзету еніп, мына шарттар сақталған жағдайда жол апатын еурохаттама бойынша рәсімдеуге болады:
ЖКО болған сәтте екі жүргізушіде де полис болса;
техника ғана зақымдалса;
зиян шеккен жағдай, көзге көрінетін зақым, апатқа қатысушылардың бірінің кінәсі екі жүргізуші тарапынан дау тудырмаса және декларацияға тіркелсе;
екі жүргізуші де сақтандыру төлеміне келіссе;
Құжатты апатқа қатысушылар сақтандыру компаниясы мен деректер базасын құрған ұйымның ақпараттық жүйесін қолданып декларация жасау арқылы рәсімдейді.
Жүргізушілер сақтандырушылардан хабар алып, декларация қабылданғанша оқиға орнын тастап кетпеуге тиіс.
Салыстыру үшін айта кетейік, Ресейде жол апатын еурохаттама арқылы рәсімдеу мүмкіндігі 2009 жылы берілсе де, ел тұрғындары мәселені онлайн шешуді 2022 жылы ғана «үйренген».
Көлік тізгіндегендердің уақытын үнемдейтін бұл рәсім әлемнің көптеген елінде қолданылады.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)