Ұлт батыры Амангелді Имановтың 150 жылдық мерейтойы қарсаңында бренд-буктің тұсаукесері өтті
Логотиптің авторы – белгілі суретші, иллюстратор, дизайнер, Қазақстан Суретшілер одағының мүшесі Алмас Сырғабай. Оның авторлығы да Ұлт ұстазы – Ахмет Байтұрсынұлының 150 жылдығына арналған логотипке тиесілі екенін айта кеткен жөн.
– Логотипке Әбілхан Қастеев салған Амангелді Имановтың портреті мен Алматыдағы батыр ескерткіші негіз болды. Арнайы құрылған комиссияның шешімімен екі нұсқа таңдалды. Жұмыстар цифрлық өнер стилінде компьютерлік графиканы пайдалана отырып жасалған. Батырдың мінезін жеткізуге тырыстым, – деді Алмас Сырғабай.
Және ол сәтті болды. Лаконикалық стиль, танылатын бейне, мемлекеттік туды жаңғыртқан дұрыс таңдалған түс схемасы – брендбук орын алды. «Амангелді Иман» қоғамдық қорының төрағасы Толқын Сұлтан есте қаларлық датаға арналған іс-шараларды безендіруде ұсынылған логотиптер қолданылатынын баса айтты.
Мәселен, сәуір айында Қостанай облыстық музейінің халық батырына қатысты жәдігерлерінің көрмесін өткізу жоспарлануда. Сонымен қатар, елорда тұрғындары есте қаларлық датаға арналған концертті тамашалайды. Ақындар айтысы, велошеру, бәйге сайысы өтеді. Спектакльдің премьерасы көрсетіледі, кітаптар шығару жоспарлануда.
Елордадағы мектептердің біріне Амангелді Имановтың есімі берілуі мүмкін. Бұл туралы тұсаукесерде мемлекет және қоғам қайраткері Марат Мұстафин айтты.
Сондай-ақ тұсаукесерге ҚР еңбек сіңірген қайраткері Анар Мұздаханов, белгілі гиперреалист мүсінші Айдос Есмағамбетов, филолог, аудармашы Камал Әлпейісова және т.б.
А.Нұрай
