Алматтың әзілдері
Фотографқа сұрақ:
«Объектив домалақ болса да, суреттер неге төртбұрышты болып шығады?»
***
Құрбылар сырласып отыр:
– Бұрын толық едің ғой.
– Пластикалық операция жасатқанмын. Терімнің біраз жерін тартқыздым.
– Қалған теріңді кесіп тастады ма?
– Қалғанынан сөмкеше мен әмиян жасатып алдым.
***
Көрші келіншектердің әңгімесінен:
– Балаңыз күйеуіңізге ұқсаған ба?
– Жоқ, әкесіне...
***
Соңғы жаңалықтар:
Су тасқынынан жиі зардап шегетін ауыл әкімдері жиналып, ауыл балаларын кішкентай күндерінен бастап суда жүзуге үйрету үшін арнайы бағдарлама жасап, шағын елді мекендерде бассейндер салу мәселесін талқылады.
***
Емханаға біреу телефон соғып тұр:
– Дәрігер, маған бір жыл бұрын «сізге тыныштық керек, оңаша болыңыз» деп едіңіз ғой.
– Иә, тағы не боп қалды?
– Денсаулығым дұрыс сияқты, енді әйел, бала-шағамды ауылдан шақыртып алсам бола ма?
