Вагон өндірісі жолға қойылады

Еліміз жүк вагоны тапшылығынан құтылатын болды. Биылдан бастап жаңа зауыттар іске қосылмақшы. Бұл туралы Алматыда өткен ТМД елдері вагон шаруашылығы құзырлы өкілдері кеңесінің отырысында «Қазтеміртранс» акционерлік қоғамының бас инженері Ерғазы Кәрібжанов мәлімдеді.
Қаржылық дағдарысқа байланысты елімізде жүк айналымының едәуір азай­ғанына қарамастан, вагондар тап­шылығы  әлі де байқалып отыр. Ал вагон өндіруді қол­ға алған кейбір кәсіпорындардың ісі тұралап тұр. «Бұрын жүк вагондарын ше­тел­дерден сатып алатынбыз. Соңғы рет Қытайдан екі вагон әкелінді. Бірақ дағ­дарыс кезінде отандық тауар өн­ді­ру­шілерді қолдауға байланысты Ел­ба­сының берген тапсырмасына орай биыл­дан бастап вагондарды Екібастұз және Пе­тро­павл қалаларындағы зауыттардан са­­тып алу көзделіп отыр», – дейді Ер­ға­­зы Кәрібжанов. Осының бір дәлелі – өт­кен наурыз айында Петропавл қала­сын­­дағы «Зиксто» зауытымен 167 жүк таси­тын вагон сатып алу туралы ке­лі­сім жа­салды. Одан басқа, келесі жылы Қа­­­зақстан мен Ресейдің бірлескен жо­­ба­сы жүзеге асырыла бастайды. Оның не­гіз­ін­де оң­тү­стік астанадағы Алматы-1 те­мір­жол вокзалы жанында­ғы деподан жо­лау­шылар тасымалдай­тын вагондар шы­ға­рыл­­мақ. Сол сияқ­ты Ас­та­на қа­ла­сын­да  америкалық «Дженерал элек­трик» компа­ния­сы­ның қатысуымен ал­да­ғы шілде-та­мыз айларында локо­мо­тив зауыты іске қосылады. Ерғазы Кә­ріб­жановтың пікірінше, жоспарланған жұ­мыс­тар ойдағыдай жүзеге асса, ішкі на­рық­та вагон тапшылығын мүлдем жоюға бо­ла­ды.