Теміржол төсеніштері ұрланып жатыр

Еліміздің теміржолдарынан рельстер мен шпалдар ұрланып жатыр. ҚР Ішкі істер министрлігі Көліктегі ішкі істер департаментінің мамандары рельс ұрлығы екі күннің бірінде тіркелетінін хабарлайды.
Мамандардың жедел мәлі­метіне қара­ғанда, Қостанай об­лысындағы «Бармақ – Бесағаш» өткелінде Р-50 маркалы рельстің бес метрі ұрланғаны белгілі болды. Жедел іздестіру жүргізген ішкі іс­тердің желілік бөлімінің қызмет­керлері ұрлыққа күдікті ретінде екі қостанайлықты ұста­ды. Ол­ар­дан теміржол бөліктері табыл­ды. Қазір ұрылардың адам мен көлік қауіп­сіздігіне қанша­лықты нұқсан келтіргені анықта­лып жа­тыр. Осындай дерек То­был беке­тінде де әшкереленді. Лисаковск бе­ке­тінің тұрғыны рельс кесетін ПЧ-34 тех­никасы мен рельс бұр­ғылайтын станокты ұрлап кеткен. Полицейлер оны дереу қол­ға түсірді. Ұрланған жабдықтардың жалпы құны 1 121 000 теңгеден асады. Шығыс Қазақстанда да те­міржолдарды қақыра­тып кету­шілер жетеді. Шемонаиха қала­сы маңындағы «Рулиха – Фес­ти­вальная» өт­ке­лінде жаңадан тө­селген шпал­дардың бес данасы ізім-ғайым жоқ болған. Ұры алыстан емес, Шемонаиханың өзінен та­был­ды. Ол мемлекетке 22 750 теңге шы­ғын келтіріп отыр.