Шымкент қалалық жолаушылар көлігі және автомобиль жолдары бөлімі басшысының орынбасары Жарқын Байдуллаев Алматыға сапары кезінде «Оңай» жүйесінің қызметін өз көзімен көргенін, зерттеп-зерделегенін айтып мақтанды.
Бұл туралы Жарқын Мұстафинұлы Facebook-тағы парақшасы арқылы көпшілікпен бөлісті деп жазады Корреспондент газеті.
«Оңай» электронды билет жүйесін Шымкент қаласындағы қоғамдық көліктерге енгізу мақсатында Алматының "Оңай" жүйесін зерттеп, көріп қайттық. Күн өте жемісті болды! Алматылық әріптестерге алғыс айтамыз!» деп жазған шенеунік тіпті қоғамдық автобус ішінде тұрған фотосын да жариялауды ұмыт қалдырмаған.
Айта кетейік, мемлекеттік қызметкердің танымал кәсіпкер Тоқтар Төлешовті ағасы ретінде құрметтейтінін байқауға болады. Себебі ол Instagram әлеуметтік желісіндегі парақшасында бизнесменмен бірге түскен фотосын жариялап, оның астына «Күнім дер еркелетер, аман бол ағаларым...» деп жазба қалдырған болатын.
Сондай-ақ, Жарқын Байдуллаев (эл. поштасы zharkyn007@mail.ru )есімді ғаламтор қолданушы осыдан шамамен 6 жыл бұрын kazakh.ru халықаралық қазақ сервисінде «Сәлеметсіздер ме, мен де ОҚО, Сарыағаш ауданындағы Шанышқылы – Дархан – Еңкеспін. Біздің рудың президенті «Шымкент сыра» ЖШС-нің Бас директоры Тоқтар Жүсіпұлы Төлешов болып табылады... Ағалар, Шанышқылы руының съездін ұйымдастырайық» деп жазған болатын.