Қаулыға сәйкес шетел азаматтары бортқа ПТР-тестсіз кіргізілмейді.
Көліктегі бас мемлекеттік санитар дәрігер Сәдуақас Байғабылов Қазақстанда 1 қазаннан бері шетелден келген 39 адамнан коронавирус анықталғанын айтты, - деп хабарлайды Tengrinews.kz.
"1 қазаннан бастап 7540 жолаушы талдау жасау үшін екі күндік карантинге жатқызылды. Оның ішінде 39 адамның тесті оң нәтиже көрсетті", - деді Байғабылов ОКҚ онлай-брифингінде.
Ол жолаушылар Нұр-Сұлтан, Алматы, Шымкен, Орал, Ақтөбе, Атырау, Ақтау және Қарағанды қалаларына карантинге жатқызылатынын айтты.
"Депортацияланған азаматтар келер болсақ, 6 қазаннан бастап қаулыға сәйкес шетел азаматтары бортқа ПТР-тестсіз кіргізілмейді. Тестінің мерзімі өтіп кеткен 31 азамат депортацияланды. Оның ішінде, Ресей, Украина, Беларусь, Ұлыбритания, Түркия және Германия елінің азаматтары бар", - деді Байғабылов.