Әйгілі «Ласковый май» тобының әншісі Юрий Шатунов қайтыс болды, деп хабарлайды Azattyq Rýhy.
Әншінің өмірден өткені туралы ресейлік Telegram арналары хабарлады.
48 жастағы әнші Юрий Шатунов жүрек ауруы салдарынан Мәскеудегі ауруханада көз жұмған.
Юрий Шатунов - кеңестік кезеңде аты аңызға айналған «Ласковый май» тобының жас әншісі ретінде танымал болған ресейлік музыкант, әнші және композитор. 1973 жылы туған Юрий Шатунов репертуарының басым бөлігі өзін 80-жылдардың аяғында танымал еткен «Белые розы», «Седая ночь», «Старый лес» және т.б әндерден тұрды.
Ол жай ғана әнші емес, көптеген беделді музыкалық наградалардың иегері, миллиондаған кеңестік жасөспірімнің кумирі болған еді.