«Рэкет» қыз қолға түсті

Тараздық бозбалалардың атағы жер жарып, Астанаға дейін жетіп еді. Енді олардың қатарына қыздар қосылды. Жуырда мектеп инспекторы Тараз қаласындағы №2 орта мектептің 9-сынып оқушылары арасында ақша бопсалау фактісін анықтады.
Аталмыш мектептің инспекторы, по­ли­ция капитаны Асқар Беспаев Мирзоян кө­ше­сінде тұратын оқушы қызды соңғы екі-үш күнде мектепке ата-анасының алып ке­ліп, алып кетіп жүргендігін байқаған. Инс­пектор осы оқиғаны назардан тыс қал­дыр­­май, оқушының не үшін мұндай күйге түс­кенінің сырын ашты. Сөйтсе, сыны­бын­дағы бір қыз оқушыларды қорқытып-үр­кітіп, ақша талап етеді екен. Осылайша үс­тем­­дік етіп жүрген «рэкет» қыз көп ұза­­­май-ақ қолға түсті. Облыстық көз ауру­ха­­на­сының алдында бопсалаушы қыз 17 мың теңге алу кезінде ұсталған. Бір таңғал­­дыратын жайт – бопсалаумен айна­лы­сып жүрген қыз бақуатты отбасында тәр­бие­­ленген. Қазіргі таңда оның осы уақытқа дейін­­гі істерге қатысы барлығы анықталу үстінде.