Полицейлер «бомждар үсіп қалмасын» дейді

Астанада үш тәулік ішінде 140-қа жуық қаңғыбас адам анықталды. Үйсіз-күйсіз жүргендерді есепке алу үшін полицейлер «Қаңғыбас» жедел алдын алу шарасын өткізген.
Шараның мақсаты – қайыр сұрап, қала кезіп жүретіндердің қылмысқа баруына және аязды күндері көшеде үсіп қалуына жол бермеу. Полицейлер желтоқсанның 6-сынан бері Астананың қоқыс төгілетін алаң­дарын, теміржол және автокөлік вок­залдарын, базарларды, шіркеулер мен ме­шіт­терді, жертөлелер мен кәріз құдық­тарын тінтіп шыққан. Шараның нәти­же­сінде тұрақты баспанасы жоқ, көше кезіп жүруді әдетке айналдырған 139 адам ұсталды. Олардың 30-ға жуығының еш құ­жаты жоқ, кім екені белгісіз. Мамандар олар­ды қабылдау-тарату бөліміне орна­лас­тырды. 112 адам Уақытша оқшаулау жә­не детоксикация орталығына жіберілді.