ҚР ҚК Құрлық әскерлерінің «Оңтүстік» өңірлік қолбасшылығында тамыздың 25-і мен 27-і аралығында материалдық-техникалық қамтамасыз ету полкі және тыл базасының тактикалық-арнайы оқу-жаттығуы өтті.
Оқу-жаттығу 3 кезең бойынша өткізілді. Біріншісі – бөлімді жауынгерлік әзірлікке келтіру. Екінші кезеңде әскери қызметшілер ұдайы орналасу пунктінен «Айша-бибі» полигонына дейін марш жасады. Маршқа шамамен 150 бірлік дөңгелекті техника тартылды. Атап айтқанда, жанар-жағармай материалдарын, оқ-дәрілерді, материалдық-техникалық құралдарды, жөндеу-қалпына келтіру батальоны мен полкті қамтамасыз ету батальонын тасымалдау ротасы.
Үшінші кезеңде әскери қызметшілер жергілікті жерде, яғни, «Айша-бибі» полигонында нан пісіру бойынша нан зауытын, далалық моншаны өрістетті. Ал жөндеу-қалпына келтіру батальоны істен шыққан машиналар жөнделген бұзылған машиналардың жиын пунктін өрістетті.
Аталған тактикалық-арнайы оқу-жаттығу жауынгерлік даярлық жоспары бойынша өткізіліп жатқанын айта кетейік. Осы жолы оқу-жаттығу МТҚ полкі және тыл базасымен бірлесе алғаш рет өтті.