Медбикелер жұмысы көңіл көншітпей тұр

Жыл сайын медицина сапасын жақсартуға қомақты қаржы бөлініп жатқанымен, ақ халатты абзал жандардың үстінен түсетін арыз-шағымдардың саны артып отыр. 2008 жылы – 260, биылғы алты айда 180 шағым түсті. Бұл туралы кеше Алматыдағы №7 қалалық клиникалық ауруханасында өткен қоғамдық тыңдауда Медициналық қызмет көрсету саласындағы бақылау комитетінің Алматы қаласы бойынша департаментінің төрағасы Қадырбек Андағұлов айтты.

Арыздардың басым бөлігі мед­бикелер­дің аурулармен дұрыс жұмыс істемейтініне байланысты жазыл­ған екен. Өткен жылы өз жұмысына салғырт қарағаны үшін қала бойынша 88 медбике жауапкершілікке тар­тылған. Сондай-ақ хирургтердің жұ­мы­­­сы да пациенттердің көңілінен шы­ға бер­мейтінге ұқсайды. «Бізде күніне он опера­ция жасайтын хирург пен бір операцияны әрең жасайтын дәрігер тең жалақы алады. Осыны ретке келтіру керек. Сонымен бірге, келесі жылдан бастап ауруларға дәрі­герлер мен емделу орындарын өзі таңдай­тын еркіндік беретін заң қабыл­данады. Егер ол заң қабылданса, көп ауруха­налар тасада қалатыны белгілі», – дейді Қ.Андағұлов.