Кенеден құтылудың тың әдісі табылды

Шымкенттік ғалымдар адамға  өте қауіпті қансорғышты құртудың жаңа тәсілін ойлап тапты. Биологтер қырым қанды безгегін тарататын кенеден өзге жәндіктердің көмегі арқылы қорғануға болатынын айтады. Бірнеше жылдан бері осы жәндікті зерттеп келе жатқан биология ғылымының докторы Мәжит Қожабаев өзінің бұл жаңалығын әзірге зертханада ғана сынап көрген.
Ғалым жұмыртқасын кенеге салатын жәндіктерді зертханада өсіріп, жайылым­дарға жіберу керек деп есептейді. Жаңа­лықтың оң нәтиже беретініне сенімді. Жәндіктер өзінің жұмыртқаларын кенелер­дің лимфаларына салады. Жұмыртқалар көбейеді. Бала құртқа айналады.  Олар кененің ішін жеп, өздері ұшып шығып кетеді. Кенелер өліп, сыртындағы қабығы, кителі ғана қалады. Мамандар қансор­ғыштан құтылудың химиялық тәсілінен гөрі биологиялық жолын пайдалануды жөн санайды. Биыл өңірде жалпы 4 мың­нан астам адамды кене шаққан. Бұл көр­сеткіш өткен жылмен салыстырғанда әлде­қайда көп. Сондықтан мамандар  кенеден әлі де абай болуы керектігін ес­кер­теді. Кене шағу туралы мәліметтер, әсіресе Бәйдібек, Созақ, Отырар, Орда­басы ауда­ны, Түркістан және Шымкент қалаларында көптеп тіркелуде.