Профессор, медицина ғылымдарының докторы Сәкен Әміреев коронавирустық инфекцияның агрессивті штамдары салдарынан Қазақстандағы эпидемиологиялық ахуал нашарлауы мүмкін деп санайды, деп хабарлайды Stan.kz ақпарат агенттігі.
Оның пікірінше, вакцинация індеттен құтылудың жалғыз жолы болады. Ол өз пікірін Қазақстан Республикасы денсаулық сақтау министрлігі медициналық журналистика мектебінің онлайн-дәрісі аясында айтты. Әміреевтің пікірінше, әлемде болып жатқан процестер Қазақстандағы эпидемиологиялық жағдайға кері әсер етуі мүмкін.
Жағдай 2020 жылға қарағанда әлдеқайда нашар болуы мүмкін дейді ол. Мұның себебі Ұлыбританияда коронавирустық инфекцияның агрессивті және тез таралатын штамдарының пайда болуы. Сонымен қатар, штамдар қазірдің өзінде әлемнің 50-ден астам еліне «таралды» дейді профессор.
"Жұқпалы аурулар кезінде жаңа штамның пайда болуы, әсіресе, қауіпті қоздырғыш ретінде, әрдайым медицинада қиындықтар туғызады және эпидемиологиялық жағдайды нашарлатуы мүмкін, өйткені жаңа патогенге қорғаныштық иммунитет әлі қалыптаспаған, яғни біздің иммундық жүйеміз антиденелердің қажетті деңгейін әзірлеп үлгерген жоқ", - деп түсіндірді эпидемиолог.
Айтуынша, вакцина пандемияны тоқтатудың жалғыз жолы.
Естеріңізге сала кетейік, бұған дейін қазақстандық азамат коронавирусқа қарсы вакцина алғаннан кейін қайтыс болды деген ақпарат тарады, бірақ денсаулық сақтау министрлігі ер адам қан қысымының жоғарылауынан қайтыс болды деп түсіндірді.