Дана Есеева: Күйеуіме құрбым ғашық болып, екеуін қоспақ болғанмын
"Біз Мейіржан екеуміз 2004 жылы КВН-ге дайындық кезінде таныстық. Ол маған күлкілі, әрі әдемі жігіт болып көрінді. Бірақ жігіт ретінде ұнаған жоқ. Оның үстіне оны менің құрбым ұнатып қалды. Мен жеңгетайдың рөлін ойнап, екеуін қоспақ болдым. Алайда құрбым мен Мейіржанның әңгімесі жараспады. Мейіржан үнемі менің өзін шығарып салғанымды қалады", - деді Дана Есеева.
Айтуынша, Мейіржан Дананың құрбысын 4 рет үйіне шығарып салып, кейін әңгімесі жараспаған.
"Бірде Мейіржан менен құрбысымен қоспауды сұрады. Содан кейін екеуміз сөйлесіп кеттік. Әрі қарай махаббат басталды", - деп еске алды актриса.
Бүгінде Мейіржан мен Дана бес баланың ата-анасы. Дана алғашында көп әйелдер секілді күйеуінен көп нәрсені талап еткенін айтады. Алайда өзі оған қолдау көрсеткен соң ісі алға басқан екен.
"Ер азаматтан көп нәрсені сұрай берген жақсы емес екен. Керісінше қолдау көрсету керек. Оған тек әйел болу керек. Сонда ол бәрін жасай алады. Ешқашан өзіңізді өзгенің отбасымен салыстырмаңыз. Сізді күйеуіңізбен қосқан ерекше естеліктерді ұмытпаңыз. Егер күйеуіңіз сіз қалағанда жасамаса, сізге ұнау үшін жасаған жақсылықтарын еске алыңыз. Сіздің көңіліңізді аулағанын, сіз ауырғанда дәрі әкеп бергенін еске түсіріңіз. Сонда ол туралы жаман ойлауға болмайтынын түсінесіз", - деп жазды Дана.
