Бірнеше пәтерге ұрлыққа түсіп жүрген күдікті ер адам анықталды
Түркістан қалалық полиция басқармасына жергілікті тұрғын арызданды. Жәбірленуші ер адамның айтуынша, пәтерінен белгісіз біреу 1-дана жылытқыш қазандығын жымқырып, 200.000 теңге көлемінде шығын келтірген. Аталған жайт ҚР ҚК-нің 188 «Ұрлық» бабы бойынша сотқа дейінгі тіркеуге алынды.
Пәтер ұрлығын ашу мақсатында тәжірбиелі полиция қызметкерлерінен жасақталған тергеп-тексеру тобы құрылды. Жедел-іздестіру тобы күдіктіні ұстау үшін барлық қажетті іс-шараларды жүргізді. Куәлардан сұрастырып, пәтер маңайларын тыңғылықты тексерді. Үш тәулік бойы тергеп-тексерудің нәтижесінде күдіктіні құрықтады. Ол жергілікті тұрғын болып шықты.
Полицейлер өзгенің мүлкін ұрлау жайты бойынша күдіктінің басқа да қылмысқа қатысы бар екенін анықтады. Яғни ол бұған дейін сезікті ер адам пәтерді тонап, тұрғындарға шығын келтірген. Күдіктіден заттай айғақтар тәркіленіп алынып, заңды иесіне қайтарылды.
Қазіргі таңда күдікті ер адамға қатысты тертеп-тексеру амалдары жүргізілуде.
Түркістан облысы ПД баспасөз қызметі
