«Балапан» «Тұран баһадүрлерін» таңдады

Мамырдың 10-ы мен мау­сым­ның 10-ы аралы­ғын­да«Балапан» телеарнасында ани­ма­циялық сериал сценариіне байқау жарияланған болатын. Енді бүгін сол байқаудың қорытындысы анықталды.
16 автордан келген 31 сценарий­ді қазылар алқасының мүшелері «Қазақ­стан» ҰТА аймақтарға хабар таратуды дамыту жөніндегі дирекцияның директоры Қайнар Олжай, кинотанушы Бауыржан Нөгербек, «Қазақстан» ҰТА «Бағ­дарлама­лар өндірісі»,ШБ атқарушы продюсері Серік Аббасов және «Балапан» телеарна­сы­ның директоры Ләйлә Сұлтанқызы мен аталмыш телеарнаның режиссері Қар­лығаш Әбдібаева талқыға салды. Қазылар алқасының шешімімен Кеңес Дүйсеннің «Тұран баһадүрлері» атты сценарийі ең үз­дік деп танылды. Ер, Би, Нұр атты үш ке­йіпкердің ерекше қимылдары, «кеңістік сағаты» арқылы әр дәуірге саяхат жасауымен ерекшеленді. Идеясы тың, қойылған талаптарға сай келетін сценарийді бас жүл­деге лайықты деп таптық. Автор енді әрқайсысы 7 минуттық 20 сериялы мульт­фильм түсіруге мүмкіндік алады.