Алматының тәттіқұмарлары анықталды
Алматыда оқу жылының аяқталуы мен Балаларды қорғау күніне орай «Сладкоежка» деп аталатын фестиваль өтті. Тәттіқұмарлар арасында «Мисс» пен «Мистер» анықталды. Бұл күні ата-аналар балаларын тәттіден тыйған жоқ.
Отбасылық мерекені тамашалауға келген қонақтар түрлі байқауларға қатысып, ойындар ойнады. Шараның соңында тәттіқұмар «Мисс» және «Мистер» анықталды. Жеңімпаздарға қаламыздың ең үздік кондитер мамандарының дайындаған сыйлықтары табыс етілді. Балалар мен ересектер тәтті кәмпиттер мен бәліштерден дәм татып, сахналық қойылымдарды тамашалады. Шара барысында осы саланың мамандары ата-аналарға жазғы демалыста балаларын қандай орындарға тынығуға жіберуге болатыны жөнінде кеңестер берді. «Бір темекіге – бір кәмпит!» акциясы шылымның зиянын насихаттады. Бұл шара алғаш рет 2011 жылы мамырдың 28-29 күндері өткен болатын. «Бірге есейеміз!» атты балалар жобасы фестивальді дәстүрге айналдырып отыр.
