Алдағы күндері елімізде жаңбыр жауады
Синоптиктер 30 шілдеге арналған ауа райы болжамын ұсынды, деп хабарлайды Stan.kz ақпарат агенттігі.
Елімізде нөсерлі жаңбыр жауады, оңтүстік-шығыста бұршақ жаууы мүмкін. Болжамға сәйкес, Қазақстан аумағының басым бөлігінде, атмосфералық фронтальды бөліктердің өтуімен, найзағай ойнап, жаңбыр жауады. Тек республиканың батысында антициклон әсерімен ауа райы жауын-шашынсыз болады.
Республиканың кей жерлерінде желдің күшеюі күтіледі, оңтүстікте және оңтүстік-шығыста шаңды дауыл болады.
"Қазгидромет" РМК Солтүстік Қазақстан облысында күндіз кей жерлерде жел жылдамдығы 15-20 м / с, екпіні 25 м/с-ға күшейеді деп күтілуде.
Жамбыл облысында бұршақ жауып, шаңды дауыл соғады. Кей жерлерде желдің жылдамдығы15-20 м/с-ға күшеюі мүмкін. Алматы облысында таңертең және күндіз кей жерлерде бұршақ жауады, жел жылдамдығы 18-23 м/с-ға дейін күшейеді деп күтілуде. Қызылорда облысында кей жерлерде шаңды дауылмен 15-20 м/с жылдамдықта жел күшейеді.
Түркістан облысында кей жерлерде шаңды дауылмен 15-20 м/с жылдамдықта жел күшейеді деп күтілуде. Батыс Қазақстан, Қостанай, Шығыс Қазақстан, күндіз Атырау, Ақтөбе облыстарында кей жерлерде жел 15-20 м / с-ға дейін күшейеді деп күтіледі. Павлодар облысында түнде кей жерлерде тұман күтіледі, жел жылдамдығы 18 м/с-ға дейін күшейеді.
Ақмола облысында түнде және таңертең кей жерлерде тұман күтіледі. Түстен кейін Атырау, Ақтөбе, кей жерлерде Батыс Қазақстан облыстарында қатты ыстық күтіледі. Қызылорда, Түркістан, Маңғыстау, Жамбыл облыстарының басым бөлігінде, Атырау, Алматы, Ақтөбе, Қарағанды, Қостанайдың оңтүстігінде, Ақмола, Шығыс Қазақстан облыстарының кей жерлерінде өте жоғары өрт қаупі сақталады.
Нұр-Сұлтанда көшпелі бұлт шығады, жауын-шашынсыз болады. Солтүстік-шығыстан 5-10 м/с жылдамдықпен жел соғады. Ауа температурасы түнде + 8 + 10 ° С, күндіз + 24 + 26 ° С-ты көрсетеді.
Алматыда көшпелі бұлт шығады, күндіз өткінші жаңбыр жауады, найзағай ойнайды. Ауа температурасы түнде + 18 + 20 ° С, күндіз + 28 + 30 ° С-қа жетеді. Шымкентте көшпелі бұлт шығады, жауын-шашынсыз. Солтүстік-шығыстан соққан желдің жылдамдығы 8-13 м/с-ға жетеді. Ауа температурасы түнде + 18 + 20 ° С, күндіз + 33 + 35 ° С-ты көрсетеді.
Stan.kz
