45 градус: Алдағы үш күнге арналған ауа райы болжамы
Синоптиктер 26, 27 және 28 шілдедегі ауа райы болжамын айтты, - деп хабарлайды Alashainasy.kz тілшісі Tengrinews.kz-ке сілтеме жасап.
Болжамға сәйкес, елде ауа райы тұрақсыз болып, жаңбыр жауады.
26 шілдеде батыста, 27-28 шілдеде еліміздің солтүстік-батысында, солтүстігінде қатты жаңбыр жауады, найзағай ойнап, екпінді жел соғып, бұршақ жауады.
"Республиканың батыс облыстарында ауа температурасы +40 гардусқа дейін көтеріледі, республиканың солтүстік-батысында, солтүстігінде ауа температурасы күндізгі уақытта біртіндеп 35 градусқа дейін төмендейді деп күтіледі. Қазақстанның орталығында аптап +30...+38 градустан +27...+35 градусқа дейін аздап төмендейді, республиканың шығыс аймақтарында ауа температурасы +38 градусқа дейін көтеріледі деп күтіледі. Қазақстанның оңтүстігінде, оңтүстік-шығысында +40...+45 градусқа дейін аптап сақталады", - делінген хабарламада.
