ҚР Еңбек және халықты әлеуметтік қорғау министрлігінің ресми сайтында 2022 жылдың 25 шілдесінен бастап «Бастау Бизнес» жобасы аясында кәсіпкерлік негіздеріне оқыту жаңа форматта қолжетімді болды, деп хабарланды.
Өз кәсібін ашуды жоспарлап отырған қазақстандықтар енді Skills.enbek.kz платформасы арқылы онлайн бизнес жүргізудің негізгі білімдері мен дағдыларын ала алады.
«Бастау Бизнес» жобасы Кәсіпкерлікті дамытудың 2021-2025 жылдарға арналған ұлттық жобасы (бұдан әрі – Ұлттық жоба) арқылы азаматтардың кәсіпкерлік бастамаларын қолдау жөніндегі мемлекеттік шаралар кешені аясында жүзеге асырылуда.
Оқу курсына жазылу үшін Business.enbek.kz порталында тіркеліп, оқу шарттарына сәйкестігін автоматты тексеруден өту керек. Шарттар орындалса, қатысушы Skills.enbek.kz платформасына ауысып, оқуды бастай алады.
«Bastau Business» жобасы аясында кәсіпкерлік негіздеріне білім беру» онлайн курсының қатысушылары:
1) жұмыссыздар;
2) ісін жаңадан бастаған және жұмыс істеп тұрған кәсіпкерлер;
3) зейнеткерлік жасқа толмаған жұмыстан босатылған қызметкерлер;
4) дара кәсiпкер ретiнде тiркелмей табыс алу мақсатында тауарларды өндiру (өткiзу), жұмыстарды орындау және қызметтер көрсету жөнiндегi қызметтi дербес жүзеге асыратын тұлғалар және (немесе) әрекет етпейтiн дара кәсiпкерлер;
5) отбасылық кәсiпкерлiкте ақысыз қызметтi дербес жүзеге асыратын адамдар;
6) табысы ең төмен күнкөріс деңгейінен төмен сатуға (айырбастауға) жеке қосалқы шаруашылықта өнім өндіру жөніндегі қызметті дербес жүзеге асыратын тұлғалар;
7) табысы ең төменгі күнкөріс деңгейінен төмен өндірістік кооператив мүшелері.
Оқу 14 күнтізбелік күннен аспайды. Әрбір қатысушы курсты өз бетінше әзірлеумен жеке айналысады. Курс толығымен тегін.
Тренинг келесі қадамдардан тұрады:
- бірнеше модуль бойынша онлайн оқыту курсы;
- қорытынды тестілеу;
- оқуды аяқтағаны туралы сертификат алу.
Оқу процесінде пайдаланушы бірнеше сабақтан тұратын 12 модульден өтуі керек. Әр модульдің соңында аралық тестілеу жүргізіледі. Келесі оқу модуліне өту үшін қатысушы дұрыс жауаптардың кемінде 70%-ын жинауы керек. Аралық тестілеуден өту әрекеттерінің саны шектелмейді.
«Bastau Business» жобасы бойынша кәсіпкерлік негіздері бойынша білім беру» онлайн курсы егер қатысушы қорытынды тестілеуді тапсыру кезінде дұрыс жауаптардың 70%-дан астамын жинаса, өтті деп есептеледі. Дұрыс жауаптардың 70%-дан азын жинаған қатысушыға қорытынды тестілеуді қайта тапсыру мүмкіндігі беріледі, бірақ 2 реттен көп емес.
Тренинг нәтижесінде қатысушы бірегей нөмірі берілген электрондық сертификат алады. «Bastau Business» жобасы бойынша кәсіпкерлік негіздеріне оқыту сертификатының әрекет ету мерзімі – 3 жыл.
«Бастау Бизнес жобасы аясында кәсіпкерлік негіздері бойынша білім беру» онлайн курсын аяқтаған қатысушылар Ұлттық жоба аясында бизнес-идеяларды жүзеге асыру үшін грантқа өтінім бере алады.
Б.Бакай